Greining á trúar- og siðferðisstefjum:
Trú á tilvist geimvera er að sjálfsögðu trúarlegs eðlis. Geimveran í barnslíkamanum á föður á himnum, sem vitjar hennar í geimskipi þegar á þarf að halda, en hún getur með tækjabúnaði sínum gert alls kyns kraftaverk, t.d. látið hluti hverfa og aðra birtast í staðinn. Hún reisir meira að segja svín upp frá dauðum af matarborði, en jafnvel það hefur lítil áhrif á lögreglustjórann, sem reynist lengst af áhugalaus með öllu um geimverur og yfirnáttúruleg fyrirbrigði.
