DEUS EX CINEMA trúarstef í kvikmyndum

Hvort sem við erum kristin eða ekki verður ekki framhjá því horft að vestrænt menningarsamfélag er mjög mótað af gyðingdómi og kristinni trú. Það þarf því ekki að koma á óvart að vestræn menning er mjög lituð af biblíulegum gildum og táknum, og á það jafnt við um myndlist, bókmenntir og kvikmyndir. Trúarleg stef í kvikmyndum hafa lengi vel verið vanrækt og er þar mest við guðfræðinga að sakast, sem hafa afmarkað rannsóknir sínar að miklu leyti við Biblíuna og tilurð hennar.