DEUS EX CINEMA trúarstef í kvikmyndum

Heimildamyndin What Remains of Us (Hugo Latulippe og François Prévost: 2004) var sýnd á Alþjóðlegu kvikmyndahátíðinni núna í september og vakti verðskuldaða athygli en hún segir frá flóttakonu frá Tíbet sem heldur aftur til heimalands síns með myndband með boðskap frá Dalai Lama sem hún sýnir landsmönnum í óþökk kínverskra stjórnvalda.

Lesa umfjöllun um myndina ...

Ískalda ljóshærða kvenhetjan er ein þekktasta persónusköpunin sem kemur aftur og aftur við sögu í kvikmyndum Hitchcocks en hún er samt engan vegin sú eina sem þar er að finna og alls ekki einhæf.

Í fyrirlestri sínum Konurnar í myndum Hitchcocks gagnrýnir Sigríður Pétursdóttir kvikmyndafræðingur þá hörðu gagnrýni sem Hitchcock hefur fengið á síðari árum fyrir persónusköpunina á helstu kvenhetjunum í verkum hans. Nú er hægt að hlusta á fyrirlesturinn á netinu en hann er 5mb mp3 skrá að stærð og vistaður á hljóðvarpssíðuDeus ex cinema. Einnig er hægt að gerast áskrifandi að RSS-veitu fyrir hljóðskrár Deus ex cinema.

Kvikmyndin Vertigo (Alfred Hitchcock: 1958) er ósjaldan tilgreind meðal þeirra allra bestu og er það ekki að ástæðulausu. Bjarni Randver Sigurvinsson guðfræðingur fjallaði um þessa mynd í erindi sínu Meistaraverkið Vertigo og áhrif þess sem flutt var nýverið í Norræna húsinu á málþingi um kvikmyndir Alfreds Hitchcocks.

Nú er hægt að hlusta á erindið á netinu sem er 10mb mp3 skrá að stærð og vistað á hljóðvarpssíðu Deus ex cinema. Einnig er hægt að gerast áskrifandi að RSS-veitu fyrir hljóðskrár Deus ex cinema.

Allt frá því þegar frönsku kvikmyndagerðarmennirnir Eric Rohmer og Claude Chabrol tóku trúarstef í kvikmyndum Alfreds Hitchcocks sérstaklega til umfjöllunar í bók sinni Hitchcock: The First Forty-Four Films, sem kom fyrst út árið 1957, hafa jafnt kvikmyndafræðingar sem guðfræðingar skrifað ítarlega um þau í fjölda bóka og greina.

Oddný Sen kvikmyndafræðingur gerði grein fyrir þessari greiningu á nokkrum af þekktustu myndum meistarans í fyrirlestri sínum Trúarleg tákn í kvikmyndum Hitchcocks sem fluttur var nýverið á málþingi um hann í Norræna húsinu. Nú er hægt að hlusta á fyrirlesturinn á netinu en hann er 3mb mp3 skrá að stærð og vistaður á hljóðvarpssíðuDeus ex cinema. Einnig er hægt að gerast áskrifandi að RSS-veitu fyrir hljóðskrár Deus ex cinema.

Tónlistin í mörgum kvikmynda Alfreds Hitchcocks er fyrir löngu orðin sígild og gildir það ekki síst um verk Bernards Hermanns. Þýzki hljómsveitarstjórinn og tónskáldið Frank Strobel flutti fyrirlestur um tónlistina í helstu kvikmyndum Hitchcock á málþingi sem haldið var um hann nýverið í Norræna húsinu, en þar var sérstaklega gerð grein fyrir því tónverki sem Sinfóníuhljómsveitin flutti við sýningu spennumyndarinnar The Lodger (1927) í Háskólabíó.

Fyrirlesturinn nefnist Kvikmyndatónlist og tónlistin við Leigjandann og er nú hægt að hlusta á hann á netinu. Um er að ræða 11mb mp3 skrá sem vistuð er á hljóðvarpssíðu Deus ex cinema. Einnig er hægt að gerast áskrifandi að RSS-veitu fyrir hljóðskrár Deus ex cinema.

Á málþingi um kvikmyndir Alfreds Hitchcocks sem haldið var nýverið í Norræna húsinu flutti Ásgrímur Sverrisson kvikmyndagerðarmaður erindið Myndmálið í kvikmyndum Hitchcocks en þar tók hann sérstaklega sem dæmi meistaraverkin Rear Window (1954) og The Birds (1963).

Nú er hægt að hlusta á erindið á netinu sem er 5mb mp3 skrá að stærð og vistað á hljóðvarpssíðu Deus ex cinema. Einnig er hægt að gerast áskrifandi að RSS-veitu fyrir hljóðskrár Deus ex cinema.

Femínistarnir Rakhshan Bani-Etemad og Tahmineh Milani eru tvær af þekktustu kvikmyndagerðarkonum Írans en sú síðar nefnda var handtekin árið 2001 fyrir gerð kvikmyndarinnar Huldi helmingurinn og dauðarefsingar krafist yfir henni. Hún var þó að lokum látin laus fyrir tilverknað forseta landsins og hefur haldið kvikmyndagerð sinni áfram eftir það.

Elína Hrund Kristjánsdóttir guðfræðingur fjallar um nokkrar af myndum þessara tveggja kvikmyndagerðarkvenna í erindi sínu Konur í írönskum kvikmyndum sem hún flutti á málþingi um íranskar kvikmyndir í Háskóla Íslands en það var haldið í samvinnu Alþjóðlegu kvikmyndahátíðarinnar og Deus ex cinema. Um er að ræða 4.7mb mp3-skrá á hljóðvarpssíðu Deus ex cinema. Einnig er hægt að gerast áskrifandi að RSS-veitu fyrir hljóðskrár Deus ex cinema.

Íranska kvikmyndin Spegillinn segir frá lítilli stelpu sem neyðist til að fara einsömul heim í fyrsta sinn þegar móðir hana sækir hana ekki í skólann. Þegar myndin er hálfnuð gerir stúlkan hins vegar uppreisn gegn kvikmyndagerðarmönnunum og heldur sjálf af stað heim til sín.

Steinunn Lilja Emilsdóttir guðfræðinemi fjallaði um þessa kvikmynd í erindi sínu Spegillinn eftir Jafar Panahi sem flutt var á málþingi um íranskar kvikmyndir í Háskóla Íslands en það var haldið í samvinnu Alþjóðlegu kvikmyndahátíðarinnar og Deus ex cinema. Um er að ræða 2.7mb mp3-skrá á hljóðvarpssíðu Deus ex cinema. Einnig er hægt að gerast áskrifandi að RSS-veitu fyrir hljóðskrár Deus ex cinema.

Samira Makhmalbaf er aðeins 25 ára en hefur þó gert þrjár kvikmyndir í fullri lengd. Hún er yngsti leikstjórinn sem hefur komið mynd til sýningar á kvikmyndahátíðinni í Cannes. Það var einmitt myndin Sib eða Eplið sem hér er til umfjöllunar. Myndin lýsir því hvernig tvær tólf ára systur, sem höfðu verið lokaðar inni á heimili sínu í Teheran frá fæðingu, losna úr prísundinni og hvaða áhrif það hefur á líf þeirra og fjölskyldunnar.

Lesa umfjöllun um myndina ...