Greining á trúar- og siðferðisstefjum:
Það er með ólíkindum hvað ruslmyndagerðarmanninum alræmda Umberto Lenzi tókst að hóa saman mörgum stórleikurum fyrir þessa hörmulegu stríðsmynd og það meira að segja tveim af bestu kvikmyndagerðarmönnum sögunnar, Orson Welles og John Huston.Myndin segir frá tveim fjölskyldum, annarri þýzkri en hinni bandarískri, sem taka fullan þátt í stríðsrekstri landa sinna og mætast loks í orrustunni um Túnis árið 1943.Fram að því tekur sögumaður sér góðan tíma til að greina frá högum fjölskyldnanna og fer á hundavaði yfir helstu atburði stríðsins, en sögupersónurnar eru reglulega minntar á áletrunina á verðlaunapeningunum þeirra um að Guð sé með þeim.
